پێنج هەفتەیە نرخی زێڕ نەگۆڕاوە

964+
كوردستان ئەحمەد

ئەمڕۆ یەكشەممە، 16.7.2023 نرخی یەك ئۆنسە زێڕ بە 1956 دۆلارە و لە ماوەی پێنج هەفتەی رابردوودا نرخەكەی بەو شێوەیە ماوەتەوە.
ئەم نرخە لە ماوەی پێنج هەفتەی رابردوودا نەگۆڕاوە، تەنیا بەهۆی ئاڵوگۆڕی ورد و بچوكی ناو بازاڕەكانەوە تەنیا 4 پۆینتبەرزبووەتەوە، ئەوەش لە بازاڕی زێڕدا بەهایەكی ئەوتۆی نییە.

هەندرێن وەرتی، سەرۆكی سەندیكای زێڕینگەرانی كوردستان، بە 964ی وت، بازاڕی جیهانی زێڕ ناگۆڕێت تا بازاڕی ئابووری و دۆخی سیاسی گۆڕانكاریی بەسەردا نەیەت.

ئەمڕۆ نرخەكان لە بازاڕدا بەم شێوەیەیە:

نرخی یەك مسقاڵ زێڕی عەیار 24 بە 475 هەزار دینارە

نرخی یەك مسقاڵ زێڕی عەیار 22 بە 435 هەزار دینارە
نرخی یەك مسقاڵ زێڕی عەیار 21 بە 415 هەزار دینارە
نرخی یەك مسقاڵ زێڕی عەیار 18 بە 355 هەزار دینارە

عێراق یەكێكە لە وڵاتە بەهێزەكانی بازرگانیكردن بە زێڕ و خاوەنی یەدەگێكی زۆرە، یەدەگی زێڕی عێراق گەیشتووەتە 96.3 تۆن بەوەش رێژەی لە 8.1% ی  کۆی یەدەگەکانی دیکەی پێکهێناوە، هاوكات ئەمەریکاش وەک یەکەم وڵات توانیویەتی پارێزگاری لە پێگەکەی خۆی بکات و یەدەگی زێڕی  8 هەزار 133 تۆنە ، لە دوای ئەویش ئەڵمانیا دێت بە یەدەگی  3 هەزار و 362 تۆن.