دەروازەی مەرزی تەوێڵە - شوشمێ - وێنە: میدیاکان
لە مەرزی شوشمێ گەشتیاران کێشەیان هەیە
964+
پێشەوا محەمەد
ئەو کەسانەی لە مەرزی شوشمێوە گەشت دەکە بێزاری دەردەبڕن، چونکە لە دیوی ئێرانەوە زۆر لە چاوەڕونیدا دەهێڵدرێنەوە تا پاسپۆرتەکانیان پێدەدرێتەوە.
پرسەکە گەیشتووەتە لایەنە ئیدارییەکانی پارێزگای هەڵەبجە و ئەوانیش لەگەڵ کونسوڵخانەی ئێران لە هەرێمی کوردستان قسەیان کردووە.
چاوەڕوانییەکە بۆ لێدانی مۆری پاسپۆرتە و هەر گەشتیارێک چەند کاتژمێرێک دەهێڵدرێتەوە.
کاوە عەلی، جێگری پارێزگاری هەڵەبجە بە 964ـی وت، “مەرزەکە نوێیە و هەندێ کێشە ماون چارەسەر بکرێن و یەکێک لەوانە ئەو چاوەڕوانییە زۆرەی گەشتیارانە”.
روونیشیکردەوە، لە هەوڵی چارەسەرکردنی ئەو پرسەدان و لایەنی ئێرانیان لێ ئاگادار کردووەتەوە.
1.7.2023 مەرزی شوشمێ بە شێوەیەکی رەسمی لەنێوان ئێران و هەرێمدا کرایەوە و مەرزەکە کەوتووەتە پارێزگای هەڵەبەجەوە. رۆژانە نزیکەی 200 کەس لەو مەرزەوە گەشت دەکەن.