دیمەنێک لە کۆبوونەوەکە. فۆتۆ: چاودێریی و گەشەپێدانی کۆمەڵایەتی
هۆڵێکی وەرزشی بۆ نابینایانی هەولێر دروست دەکرێت
964+
ئه‌رسه‌لان عه‌بدوڵا
دوو خێرخوازه‌وه، هۆڵێکی وەرزشی مۆدێرن بۆ نابینایانی هەولێر دروست ده‌كه‌ن.
بەڕێوەبەرایەتیی گشتیی چاودێری و گەشەپێدانی کۆمەڵایەتیی ھەولێر رایگه‌یاند، له لایه‌ن دوو خێرخوازه‌وه بڕیاردراوه هۆڵێكی وه‌رزشیی مۆدێرن بۆ نابینایانی هه‌ولێر بێته دروستكردن.
به‌ڕێوه‌به‌رایه‌تییه‌كه بڵاویكرده‌وه، دوێنێ چوارشه‌ممه بۆ ئه‌م مه‌به‌سته یوسف چاوشین بەڕێوەبەری گشتیی چاودێری و گەشەپێدانی کۆمەڵایەتی هەولێر، لەگەڵ حەسەن یوسف بەڕێوەبەری پەیمانگەی رووناکی نابینایان پێشوازیان لە دوو خێرخوازه‌كه کردووه و گفتوگۆیان له باره‌ی دروستکردنی هۆڵه‌كه‌كردووه.
به پێی زانیارییه‌كان، هۆڵەکە لە دوو نهۆم پێک دێت و سەرجەم پێداویستییە وەرزشییەکان و کەلوپەلەکانی دیكه لەخۆدەگرێت.
به‌ڕێوه‌به‌رایه‌تییه‌كه له فه‌یسبووكی خۆیان ئاماژه‌یان به‌وه كردووه، هۆڵەكه بەیانیان قوتابیانی پەیمانگەی رووناکی نابینایان سوودی لێ وەردەگرن، ئێوارانیش بۆ سەرجەم نابینایانی هەولێر کراوە دەبێت و به‌م زووانه كاری دروستكردنی ده‌ستپێده‌كات.