وێنەی مین و تەقەمەنییەکان. فۆتۆ: دەزگای مین
لە سیدەکان 11 مین و سێ تەقەمەنی چارەسەر کران
964+
هاوبەش ئەبوبەکر
لە سەنتەری قەزای سیدەکان 11 مین و سێ تەقەمەنی پاشماوەی جەنگی کە پێشتر دۆزرابوونەوە، ئەمڕۆ چارەسەر کران.
تەقەمەنی و مینەکان لە کێڵگەمینی سپیندارۆک دۆزراونەتەوە و بەڕێوەبەرایەتی کاروباری مین لقی هەولێر دەڵێت، ئەمڕۆ چوارشەممە بە شێوەیەکی سەلامەت پوچەڵکرانەوە.
“11 مین و سێ تەقەمەنی گواسترانەوە بۆ کۆگای سەرەکی بەڕێوەبەرایەتی گشتی بۆ ئەوەی لەناوببردرێن”، بەڕێوەبەرایەتی کاروباری مین لقی هەولێر وا دەڵێت.
دواى ئه‌و بارانه به‌خوڕ و لافاوه‌ى، كه به‌شێكی ناوچه‌كانى هه‌رێمی كوردستانى گرته‌وه، سنوورى سیده‌كان له چاو زۆربه‌ى ناوچه‌كان ئه‌و باران و لافاوه‌ى رووبه‌ڕوو بووه‌وه، به‌وهۆیه‌شه‌وه ژماره‌یه‌كى زۆرى مین و ته‌قه‌مه‌نى له شوێنى جیاجیاى سنووره‌كه ده‌ركه‌وتن.
ده‌زگاى كاروبارى مین، سنوورى قه‌زاى سیده‌كان وه‌ك یه‌كێك له مه‌ترسیدارترین شوێن بۆ بوونى مین و ته‌قه‌مه‌نییه‌كان ناوزەد دەکات و ئه‌وه‌ش ده‌خاته‌ڕوو، “ترسناكى ئه‌و سنووره له‌وه‌دایه ته‌قه‌مه‌نییه‌كان به‌هۆى بارانه‌وه ده‌ركه‌وتوون و شوێنێكی دیاریكراویان نییه”.