دانیشتنی پەرلەمانی عێراق بۆ دەنگدان لەسەر پرۆژەیاسای بودجە دواخرا

964+
كوردستان ئەحمەد
دانیشتنی پەرلەمانی عێراق بۆ دەنگدان لەسەر پرۆژەیاسای بودجە دواخرا.

شاخەوان عەبدوڵا، جێگری سەرۆكی پەرلەمانی عێراق رایگەیاند، دانیشتنی رۆژی شەممەی پەرلەمانی عێراق بۆ قسەركردن لەسەر بودجە بۆكاتێكی نادیار دواخرا.

بڕیاربوو رۆژی شەممە،27.5.2023 كاتژمێر11:00 دانیشتنی پەرلەمانی عێراق بەڕێوەبچێت بۆ دەنگدان لەسەر پرۆژەیاسای بوجە، بەڵام دانیشتنەكە دواخرا.

پرۆژەیاسای بودجەی گشتی فیدراڵی بۆ ساڵانی دارایی 2023، 2024 و 2025 و داهاتی فرۆشتنی نەوت لە بودجەی گشتییدا، بە 117 تریلیۆن و 252 ملیار دینار خەمڵێنراوە و داهاتی نا نەوتیش، 17 تریلیۆن و 301 ملیار دینارە.