سەرۆکی شارەوانی دەربەندیخان سەلامەتە
964+
هونەر فارس- دەربەندیخان
تەقە لە شوێنی حەوانەوەی سەرۆکی شارەوانیی دەربەندیخان کراوە و خۆی سەلامەتە، ئەمە بە وتەی ئاسایشی دەربەندیخان.
ئەمڕۆ 24.5.2023 لە بەردەم ماڵەکەیدا تەقە لە ئۆتۆمبیلی عوسمان عەبدوڵا سەرۆکی شارەوانیی دەربەندیخان کرا و تەقەکەرەکە هەڵهاتووە.
سەرچاوەیەک لە ئاسایشی دەربەندیخان بە 964ی راگەیاند: زیاد لە 10 فیشەک بەر ئۆتۆمبیلی سەرۆکی شارەوانیی دەربەندیخان کەوتووە.
ئاماژەی بەوەش کرد، لە کاتی تەقەکاندا سەرۆکی شارەوانی خۆی لە نێو ئۆتۆمبیلەکەیدا نەبوە و جگە لە زیانی مادی، زیانی گیانی نەبووە.
وتیشی: تا ئێستا هۆکاری تەقەکردنەکە نەزاندراوە و تەقەکەرەکە دەستگیر نەکراوە.
سەرۆکی شارەوانیی دەربەندیخان، لە شاری سلێمانی نیشتەجێیە، بەڵام شوێنی حەوانەوەی لە گەڕەکی هەوارەبەرزەیە لە قەزای دەربەندیخان.
پێداچوونەوە: ئەرسەلان عەبدوڵا