دیمهنێكی ناحیه‌ى پیران... وێنه: وێبسایتى پارێزگارى ههولێر
ماوه‌ى پێنج رۆژ ده‌خایه‌تێت
رێگاى سه‌ره‌كى مێرگه‌سور – پیران داده‌خرێت
964+
فه‌رهاد حه‌سه‌ن
بۆ ماوه‌ى پێنج رۆژ رێگاى سه‌ره‌كى مێرگه‌سور – پیران داده‌خرێت، ناحیه‌ى پیرانیش ده‌ڵێت، داخستنه‌كه به‌هۆى كاركردنه له‌و رێگایه له‌لایه‌ن تیمه‌كانى ئاوه‌دانكردنه‌وه.
له سبه‌ى چوارشه‌ممه 24.5.2023 تاكو رۆژى یه‌كشه‌ممه 28.5.2023، له كاتژمێر 7:00 به‌یانى تاكو 5:00 ئێواره رێگاكه داده‌خرێت.
له راگه‌یه‌ندراوێكدا به‌ڕێوه‌به‌رایه‌تى ناحیه‌ى پیران، ئاماژه به خراپبوونى رێگا سه‌ره‌كییه‌كه‌یان له‌گه‌ڵ قه‌زاى مێرگه‌سور ده‌كات و به پێویستى زانیوه له‌م وه‌رزه‌دا، كارى چاككردنه‌وه‌ى تێدا بكرێت.
ناحیه‌ی پیران سه‌ر به قه‌زای مێرگه‌سوره و له 53 گوند پێکهاتوه، ژماره‌ی دانیشتوانی شه‌ش هه‌زار و 715 که‌سه.