128 تووشبوو هەیە
لە عێراق 18 کەس بە پەتای خوێنبەربوون گیانیان لەدەستدا
964+
فەرمان سادق
تا دێت ژمارەی تووشبووان بە پەتای خوێنبەربوون لە ئاستی عێراق لە هەڵکشاندایە و 18 کەس بەهۆیەوە گیانیان لە دەستداوە.
وەزارەتی تەندروستی عێراق رایگەیاند، لە سەرەتای ئەمساڵەوە تا ئەمڕۆ 18 کەس بەهۆی پەتای خوێنبەربوون گیانیان لەدەستداوە و 128 کەسی دیکەش پەتایەکەیان تووشبووە.
سەیف بەدر، وتەبێژی وەزارەتی تەندروستی عێراق دەڵێت: رۆڵی وەزارەتی تەندروستی لەوەدایە کە زووتر نەخۆشییەکە دەستنیشانبکات، چونکە دەبێتە هۆکاری زوو چاکبوونەوەی نەخۆشەکە.
رونیشیکردەوە کە زۆربەی کارەکانی بەرەنگاربوونەوەی تای خوێنبەربوون دەکەوێتە سەر شانی وەزارەتی کشتوکاڵ کە پێوستە لەوەڕی هەڕەمەکی چارەسەر بکەن و ئاژەڵان لەنێوان پارێزگاکاندا بە شێوەیەکی گونجاو بگوازنەوە.