دیمهنى یهكێك له چالاكییهكانى منداڵانى خانه‌قین ... وێنه : سەنتەری پاراستنی منداڵان
یونیسێف منداڵانى خانه‌قین ده‌خاته نێو چالاكی جۆراوجۆره‌وه
964+
فه‌رهاد حه‌سه‌ن
رێكخراوى یونیسێف، له رێگه‌ى چالاكی جۆراوجۆره‌وه هاوكاریی منداڵانى خانه‌قین ده‌كات، چاودێری و گەشەپێدانی کۆمەڵایەتیی گەرمیانیش ده‌ڵێت، چالاکییەکانی سەنتەری پاراستنی منداڵانی خانەقین ماوه‌ى هه‌فته‌یه‌ك ده‌خایه‌نێت.
بەڕێوەبەرایەتیی گشتى چاودێری و گەشەپێدانی کۆمەڵایەتیی گەرمیان بڵاویكرده‌وه، لە چوارچێوەی پڕۆژەی پاراستنی منداڵاندا بەڕێوەبەرایەتییه‌كه‌یان لەمساڵدا بە پاڵپشتی دارایی رێکخراوی یونسێف چالاکییەکانی سەنتەرەکانی پاراستنی منداڵان بەڕێوە دەبات و ماوه‌ى هه‌فته‌یه‌ك ده‌خایه‌نێت.
باس له‌وه‌ش ده‌كات، چالاکییەکانی ئەم سەنتەرە خۆی لە بوارەکانی پەروەردە و فێرکردن، سیمیناری وشیاریی دەروونی و کۆمەڵایەتی، هونەری، وەرزش، کـۆمپیوتەر و درومان و کاری دیکە دەبینێتەوە.
ئه‌وه‌ش روونده‌كاته‌وه، رۆژانە لە قەزای خانەقین ژمارەیەکی بەرچاو منداڵ روو لەم سەنتەرە دەکەن بە مەبەستی بەشداریکردن لە چالاکییەکانی سەنتەرەکەدا.
