دارە 200 ساڵییەكەی شارەزوور رەشەبا شكاندی

+964
فەرهاد مەلا
رەشەباكەی دوێنێ شەو دارێكی لە شارەزور شكان تەمەنی 200 ساڵە.

بەپێی زانیارییەكانی رێكخراوێكی ژینگەیی، شەوی رابردوو بەهۆی رەشەباوە، دارێك  لە سنووری شارەزوور شكاوە تەمەنی زیاتر لە 200 ساڵە.

رێكخراوی ئاینده بۆ پاراستنی ژینگه بڵاویكردووەتەوە، شەوی رابردوو بەهۆی رەشەبای بەهێز، لە سنوری قەزای شارەزوور دارێکی بە تەمەن شکاوە.

دەشڵێت، دارە بە تەمەنەکە لە گۆڕستانی گوندی قاڵیجۆیە لە قەزای شارەزوور و تەمەنیشی زیاتر لە 200 ساڵە.

ئەمە لە کاتێکدایە، چەند رۆژێک پێش ئێستا لە گوندی داری کەلی دارێکی تەمەن 100 ساڵ لەلایەن کەسانی نەناسراوەوە بڕابوویەوە.