وێنە- 964+
هەولێر و غازی جنوب بردیانەوە
964+
مەریەم ئەحمەد – هەولێر
یانەی هەولێر یاری كلاسیكۆی كوردستانی لە خولی نایابی بالەی عێراق بردەوە، یارییەكانی خولی نایابی عێراق لە ”چوارگۆشەی زێڕین” لە قۆناغی سێیەم لە شاری هەولێر دەستیان پێكرد.
رۆژی 17.4.2023، لە هۆڵی ئەكادی عەنكاوە، بە بەشداری چوار یانە هەولێر، پێشمەرگەی سلێمانی، غازی جنوب و شوڕتە، بە ئامادەبونی جەماوەرێكی زۆر یانەی هەولێر سێ گێم بەرامبەر دوو گێم لە یانەی پێشمەرگەی سلێمانی بردەوە، كە ركابرییەكی بەهێز هەبوو لە نێوان یاریزاناندا.
هەروەها، لە یاری نێوان غازی جنوب و شوڕتە كە سەرەتا یارییەكی زۆر بەهێز لە نێوان هەردوو یانەكەدا هەبوو، غازی جنوب دوو یاری لە سەریەكی بردەوە، بەڵام بۆ سێیەم یاری نەیتوانی و لە هەوڵەكانی بەردەوام بوو توانی لە گێمی پێنجەم، سێ گێم بەرامبەر بە دوو گێم لە شوڕتە بباتەوە.
لە یارییه‌كانی ئەو گەڕەدا، پێشمه‌رگه‌ی سلێمانی له پله‌ی یه‌كه‌مه، غازی جنووب دووه‌مه و شوڕته له سێیه‌مه، هه‌روه‌ها یانه‌ی هه‌ولێر له پله‌ی چواره‌مه.
پێداچوونەوە: توانا نەقی
