دار و گوڵەكانی جووت سایدی بنەسڵاوە سەرپەلكران

+964
كوردستان ئەحمەد- هەولێر
شارەوانی بنەسەڵاوە هەڵمەتێكی بۆ رێكخستنەوەی دارو گوڵەكانی جووت سایدی شەقامی شارەوانی  بنەسڵاوەی دەستپێكرد.

جووت سایدەكە  نزیكەی نیو كیلۆمەترە، شارەوانی بنەسڵاوە نێوان دوو شەقامەكەی پاككردەوە و كێڵای و نەمامەكانی هەڵپاچی.

هەر نەمامێك خراپبووبێت هەڵكەنراوە و نەمامی نوێ لە شوێنەكەی دانراوە، هەر گوڵێكیش وشك بووبێت هەڵكەنراوە و گوڵی نوێی چێنراوە.

رێكخستن بۆ سیستمی ئاوی نەمامەكان كراوە، ئەم بەهارە گوڵ و دارەكان بە سیستمی قەترە ئاویان پێدەگات ونەمامەكان بە سەوزی دەمێننەوە.

هەڵمەتەكەی شارەوانی بنەسڵاوە لە سەرجەم شەقامەكان بەردەوامدەبێت و چەندین جۆر نەمام و گوڵی نوێ دانراون بۆ ئەوەی لە شەقامەكان بچێنرێن.

بنەسڵاوە  دەکەوێتە باکووری خۆرھەڵاتی شاری ھەولێر، ڕێژەی دانیشتووانی  لە ساڵی  2010دا گەیشتووە بە 217 هەزار و 380 کەس