کارکردنی مۆلیدەکان بووە 24 کاتژمێری

964+

فەرمان سادق

خشتەی پێدانی کارەبای مۆلیدە ئەهلییەکان لە پارێزگای هەولێر بە بۆنەی مانگی رەمەزانەوە کرایە 24 کاتژمێری.

لیژنەی بەدواداچوونی مۆلیدە ئەهلییەكانی پارێزگای هەولێر، سەرجەم خاوەن مۆلیدەكانی ناو شار و دەوروبەری هەولێری ئاگادار کردۆتەوە کە لە مانگی رەمەزان کارکردنی مۆلیدەکان دەبێتە 24 کاتژمێری.

“هەر كاتێك كارەبای نیشتمانی كوژایەوە، دەبێت مۆلیدەكان كار بكەن، هەر خاوەن مۆلیدەیەكیش پابەندی ئەم خشتەیە نەبێت، خۆی بەرپرسیار دەبێت”. لە راگەیەندراوەکەی لیژنەی بەدواداچوونی مۆلیدە ئەهلییەکان هاتووە، ئەوەش خراوەتەڕوو کە بڕیارەکە لەمڕۆ دووشەممە 20.3.2023 جێبەجێ دەکرێت.