پلەکانی گەرما دادەبەزن
لە درەنگانی ئەمشەوەوە شەپۆلێکی بارانبارین دەستپێدەکات
964+
ژێوار خدر
لە درەنگانی ئەمشەو هەینییەوە شەپۆلێکی بارانبارین روو لە ناوچە جیاجیاکانی هەرێم دەکات و لە ناوچە شاخاوییە سنوورییەکانیش بەفر دەبارێت
بەڕێوەبەرایەتی گشتی کەشناسی و بومەلەرزەزانی هەرێم رایگەیاند بۆ ئەمڕۆ هەینی 6.2.2026 ئاسمان لە نیمچە هەورەوە دەگۆڕێت بۆ هەوری تەواو و لە درەنگانی شەودا نمە باران و بارانی مامناوەند لە ناوچەکانی باکوور و رۆژهەڵات دەستپێدەکات، پلەکانی گەرماش وەک تۆمارەکانی دوێنێ بە جێگیری دەمێننەوە، بەڵام بۆ سبەینێ شەممە، شەپۆلەکە زۆربەی ناوچەکان دەگرێتەوە و پلەکانی گەرما بە رێژەی 2 تا 4 پلە نزمدەبنەوە.
کەشناسی ئاماژەی بەوەش کردووە، سبەی شەممە بارانبارین بە شێوەی پچڕپچڕ بەردەوام دەبێت و لە کاتەکانی شەودا کاریگەرییەکەی زیاتر دەبێت، بە جۆرێک لە هەندێک ناوچە دەبێتە لێزمە باران، هاوکات لە ناوچە شاخاوییە سنوورییەکان بەفر بارین دەبێت و ئاسمانی هەرێم بە گشتی بە هەوری باراناوی دەمێنێتەوە.
بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ:
هەولێر: 15 پلەی سیلیزی
سلێمانی: 14 پلەی سیلیزی
دهۆک: 15 پلەی سیلیزی
هەڵەبجە: 14 پلەی سیلیزی
گەرمیان: 17 پلەی سیلیزی
سۆران: 11 پلەی سیلیزی
زاخۆ: 16 پلەی سیلیزی
چەمچەماڵ: 15 پلەی سیلیزی
پیرمام: 10 پلەی سیلیزی
حاجی ئۆمەران: 4 پلەی سیلیزی
