سبەی شەو بەفر و بارانبارین دەستپێدەکاتەوە

964+

شۆڕش قادری

ئەمڕۆ کەشەکە تاڕادەیەک جێگیرە و ئاسمان هەوراوی دەبێت، بەڵام لە سبەی شەوەوە شەپۆلێکی دیکەی بەفر و باران روو لە کوردستان دەکات و رۆژی شەممە زۆربەی ناوچەکان دەگرێتەوە.

بەپێی پێشبینییەکانی کەشناسی، ئەمڕۆ پێنجشەممە 5.2.2026 ئاسمان بەگشتی نیمچەهەور دەبێت و پلەی گەرماش یەک بۆ دوو پلە نزمتر دەبێتەوە.

سبەی هەینی ئاسمان نیمچەهەور دەبێت و لەکاتەکانی ئێوارەدا بۆ هەوری تەواو دەگۆڕێت و دواتر و لە درەنگانی شەودا شەپۆلێکی دیکەی نمەباران لەگەڵ بەفرێکی کەم روو لە ناوچەکانی کوردستان دەکات، سەرەتا لە ناوچە شاخاوییە سنووریەکانی رۆژهەڵات و پارێزگای سلێمانی دەستپێدەکات و پاشان رۆژی شەممە کاریگەری درێژ دەبێتەوە بۆ زۆربەی ناوچەکانی هەرێم.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 14 پلەی سیلیزی

پیرمام: 9 پلەی سیلیزی

سۆران: 8 پلەی سیلیزی

حاجی ئۆمەران: 1 پلەی سیلیزی

سلێمانی: 9 پلەی سیلیزی

چەمچەماڵ: 12 پلەی سیلیزی

دهۆک: 12 پلەی سیلیزی

زاخۆ: 13 پلەی سیلیزی

هەڵەبجە: 13 پلەی سیلیزی

گەرمیان: 15  پلەی سیلیزی

بەفر و بارانبارین دەستپێدەکاتەوە

شارەزایەکی کەشناسی؛ سبەی لە سەنتەری شارەکان بەفر دەبارێ