خزمەتگوزاریی نوێ و قاوشی منداڵان بۆ نەخۆشخانەی نانەکەلی زیاد کران
ئێستا کارایە
بۆ شێرپەنجەی منداڵان نەخۆشخانەی نانەکەڵی خزمەتگوزاری نوێی کارا کرد
964+
ئەحمەد مستەفا
بەشێکی نوێ و چەند خزمەتگوزارییەکی پێشکەوتوو لە نەخۆشخانەی تایبەت بە نەخۆشییەکانی خوێن و شێرپەنجە “نانەکەلی” کرایەوە، وەزیر و پارێزگاری شار لەوێ بوون.
قەبارەکەی قاوشە نوێیەکە فراوان کراوە و ئێستا 30 قەرەوێڵەییە.
وەزارەتی تەندروستی حکومەتی هەرێمی کوردستان رایگەیاند، بە ئامادەیی سامان بەرزنجی، وەزیری تەندروستی و ئومێد خۆشناو، پارێزگاری هەولێر و خانەوادەی نانەکەلی، رێوڕەسمی کردنەوەی هەردوو بەشی تیشکی کارا و قاوشی نوێی منداڵان لە نەخۆشخانەی نانەکەلی بەڕێوە چوو.
بەپێی راگەیاندراوەکە، پڕۆژەکە بە گوژمەی 1.5 ملیۆن دۆلار لەلایەن دەزگای خێرخوازیی نانەکەلی و بە هەماهەنگیی وەزارەتی تەندروستی جێبەجێ کراوە.
خزمەتگوزارییە نوێیەکان بریتین لە: دەستنیشانکردنی نەخۆشیی شێرپەنجە، وەرگرتنی نموونەی گرێی شێرپەنجەیی، دانانی پۆرت بۆ وەرگرتنی چارەسەری کیمیاوی، وەرگرتن و دەرهێنانی ئاو و شلە لە لەش بۆ دەستنیشانکردن، هەروەها ئەنجامدانی سوتاندنی گرێی شێرپەنجەیی.
