"ئەگەر پێویست بوو"
بانکی خوێنی ھەولێر ئامادەیی نیشاندا بۆ دابینکردنی خوێن بۆ رۆژئاوای کوردستان
964+
فەرهاد حەسەن
بانکی خوێن لە ھەولێر ئامادەیی تەواوی خۆی نیشاندا بۆ دابینکردنی خوێن بۆ رۆژئاوای کوردستان “ئەگەر پێویست بوو”، چونکە دەڵێت، ئەرک و کاری ئێمە بەخشینی ژیانە بە مرۆڤایەتی.
بەپێی راگەیەندراوێک، بانکەکە دەڵێت، دوا بەدوای روداوەکانی ئەم دوایەی رۆژئاوای کوردستان وەک ئەرکێکی مرۆڤایەتی و نەتەوایەتیمان، ئامادەیی خۆیان بۆ ئەم ئەرکە دەربڕیوە، بۆ دابینکردنی خوێن بۆ شارەکانی رۆژئاواوی کوردستان لە کاتی پێویست.
دابینکردنی خوێنەکە بە هەماهەنگی لەگەل دەزگا پەیوەندیدارەکان و رێکخراوە مەدەنیەکان دەبێت.
