زۆرترین رووبەر لە هەولێر بووە
ساڵی 2025 نزیکەی سێ ملیۆن مەتر دووجا خاکی مینڕێژکراو لە هەرێم پاککراوەتەوە
964+
فەرهاد حەسەن
بەپێی داتا و ئامارەکانی دەزگای گشتی کاروباری مین ساڵی 2025 لە هەرێمی کوردستاندا نزیکەی سێ ملیۆن مەتر دووجا خاکی پیسبوو بە مین و تەقەمەنی پاککراوەتەوە و کە زۆرترین رووبەر لە هەولێر بووە و تەنیا 24٪ پاککردنەوەکەش لەلایەن رێکخراوەکانەوە ئەنجامدراوە.
بەپێی ئەو ئامارە، لە ساڵی 2025، دوو ملیۆن و 716 هەزار و 250 مەتر دوجا خاکی پیسبووی هەرێمی کوردستان لە مین و تەقەمەنی و پاشماوە جەنگییەکان پاککراوەتەوە کە بە رێژەی 39٪ لە هەولێر، 22٪ لەسلێمانی، 17٪ گەرمیان، 15٪ لە دهۆک و 7٪ یش لە هەڵەبجە پاککراوەتەوە.
ژمارەی ئەو کێڵگە مینانەی لەو ساڵەدا پاککراونەتەوە و بریتی بووە لە 30 کێڵگە و بەهۆیەوە دوو هەزار و 860 مین و 26 هەزار و 42 تەقەمەنی و پاشماوەی جەنگی و 40 بۆمبی چێندراویش لەناو براون.
هەر بەپێی ئامارەکە دەزگای مین لە ساڵی 2025 دا توانیویەتی بە رێژەی 76٪ ی کۆی رووبەری زەویە پیسبووەکە پاکبکاتەوە و رێکخراوەکانیش بە رێژەی 24٪ رووبەرەکەیان پاککردووەتەوە.
دهزگاى کاروباری مینى ههرێم بووه بهشێك له دهسهڵاتى نیشتمانیى عێراق
