هەولێر
نمایشى ئۆتۆمبێلە کلاسیکەکان بەڕێوەچوو
+964
عەبدولعەزیز خالند- هەولێر
شەیدایانى ئۆتۆمبیلى کلاسیک لە شارى هەولێر کۆبوونەوە و بە ئۆتۆمبێلەکانیان نمایشیان ئەنجامدا و دەیان ئۆتۆمبێلى جۆراوجۆرى کلاسیک، نمایشکران.
ئەحمەد بەرزنجى کە یەکێکە لەو کەسانەى حەز و خولیایەکى زۆرى بۆ ئۆتۆمبێلى کلاسیک هەیە و 11 ئۆتۆمبێلى کلاسیکى هەیە، ئەمڕۆ بە ئۆتۆمبێلێکى ئیم جى تەمەن 73 ساڵ، بەشدارى لە نمایشەکە کرد.
بەرزنجى بۆ 964 قسەى کرد و وتى،”ئۆتۆمبێلەکەم لە مەکسیک هێناوە و رۆژانى پێنجشەممە بەکارى دەهێنم”.
وەک باسى دەکات، 11 ئۆتۆمبێلى کلاسیکى هەیە و هەموو ئۆتۆمبێلەکانیش ژمارەى تابلۆ و مۆدێلەکەیان یەک شتە، واتا ئەو ئۆتۆمبێلە ئێمجییە کە لە ساڵى 1952 دروستکراوە، ژمارەى تابلۆکەشى 1952 ئێکسە.
پێداچوونەوە: وریا فەتاح
