دوێنێ باران رووخاندی
پردەکەی رێگای باوەنوور – قەرەچەم بە کاتی کرایەوە
964+
توانا نەقی
پردی باوەنور – قەرەچەم بۆ جارێکی تر بە شێوەی کاتی بەڕووی شۆفێران و هاوڵاتیاندا کرایەوە.
ناحیەی پێباز بڵاویکردەوە، دوای ئەوەی بەهۆی زۆری لافاو و بارانی دوێنێوە پردی باوەنور – قەرەچەم بەڕووی شۆفێران و هاوڵاتیاندا داخرا، ئەمڕۆ بەشێوەی کاتی کرایەوە.
ئاماژە بەوەشکراوە، سەرلەبەیانی ئەمڕۆ ئالیاتی پێویستی نێردراوە و لەماوەی کەمتر لە 24 کاتژمێردا پردەکە بە شێوەی کاتی چاککرایەوە و خرایە خزمەت هاوڵاتیان و شۆفێران.
