63 ههلیكار دهڕهخسێنێت
له ئیدارەی راپهڕین پرۆژهی پلانت ئینێرجی راگهیهندرا
964+
فەرهاد حەسەن
وەزارەتی کار دەڵێت، لە ئیدارەی راپەڕین پڕۆژەیەک راگەیەندرا، دەیان هەلیکار دەڕەخسێنێت و ئامانجیش لێی بههێزكردنی كهرتەکانی كشتوكاڵ و پیشهسازییە.
پڕۆژهی پلانت ئینێرجی ئهمڕۆ یهكشهممه لەو ئیدارەیە راگهیهندرا و بهپێی پرۆژهكهش، 63 ههلیكار دابین دهكات و تێچوهكهی سێ ملیار دیناره.
بەپێی راگهیهندراوێكی وهزارهتی كار و كاروباری كۆمهڵایهتی ههرێم، پڕۆژەکە به تێچووی گشتی نزیكهی سێ ملیار دینار جێبهجێكراوه و 150 ملیۆن دینار پاڵپشتی دارایی له لایهن وهزارهتی كار له چوارچێوهی پڕۆژهی گهشانهوه وهرگرتوه، كه نیشانهی جدی بونی حكومهته له پشتگیریكردنی وهبهرهێنان و پڕۆژه بهرههمهێنهرهكان.
ئاماژهی بهوهشكراوه، ئامانجی پڕۆژهكهش بههێزكردنی كهرتی كشتوكاڵ و پیشهسازی و دروستكردنی ههلیكار و پهرهپێدانی توانای مرۆیی زیاتره، ههروهها ئامانجێكی دیكهی پابهندبونه به دهستهبهری كۆمهڵایهتی و تهندروستی سهلامهتی پیشهیی، پشتگیریكردنی پڕۆژه بچوك و مامناوهندهكان.
وەزارەتەکە دەشڵێت، پڕۆژهی پلانت ئینێرجی نمونهیهكی روونی پێشكهوتن، داهێنان و هاوكاری نێوان حكومهت و كهرتی تایبهته بۆ دروستكردنی گهشهیهكی ئابوری بهردهوام له ههرێمی كوردستان.
پەیکەری هەنار له وهزارهتی كشتوكاڵ دانرا و باس له رێكارهكانى تای خوێنبهربوونیش كرا
