بەربەستەکە چاککرایەوە
مەترسی لافاو لەسەر کەلار نەماوە
964+
میلاد جەلال – کەلار
ئەو بەربەستەی بەیانی ئەمڕۆ لە گوندی سەید خەلیل ھەرەسی ھێنابوو، ئیستا توندوتۆڵکراوەتەوە و مەترسی لەسەر لاوفاو لە کەلار نەماوە.
موئەیەد ئەحمەد، بەڕێوەبەری ئاودێری گەرمیان بە 964ـی وت، نزیکەی 15 مەتری بەربەستی رێڕەوی چەمی سەیدخەلیل ھەرەسی ھێنابوو، ئێستا لەلایەن
تیمەکانیانەوە بە شۆفڵ چاککراوەتەوە و تندوتۆڵی دەکەن.
وتیشی، ئێستا هیچ مەترسییەک لەسەر دروستبوونی لافاو لە کەلار نەماوە و ئاوەکە بە رێڕەوەی خۆیدا دەڕوات و سەرجەم تیمەکانیشیان لە ئامادەباشیدان.
پێداچوونەوە: توانا نەقی
