کۆبوونەوەى نێچیرڤان بارزانى و مەزڵوم عەبدى
هەولێر
نێچیرڤان بارزانى و مەزڵوم عەبدى کۆبوونەوە
964+
وریا فەتاح
سەرۆکایەتى هەرێمى کوردستان رایگەیاند، لە شارى هەولێر هەریەک لە نێچیرڤان بارزانى سەرۆکى هەرێم و مەزڵوم عەبدى، کۆبوونەوە.
دواى بەشداریکردنى لە کۆڕبەندى ئاشتى خۆرهەڵاتى ناوەڕاست لە شارى دهۆک، مەزڵوم عەبدى فەرماندەى گشتى هێزەکانى سوریاى دیموکرات گەیشتە هەولێر و لەگەڵ سەرۆکى هەرێم کۆبووەوە.
سەرۆکایەتى هەرێمى کوردستان، هیچ وردەکارییەکى لەبارەى کۆبوونەوەکە نەخستووەتەڕوو و تەنیا نوسیویەتى،”کۆبوونهوهی سهرۆک نێچیرڤان بارزانی و بهڕێز مهزڵووم عهبدی”.
هەر ئەمڕۆ، لە شاری دهۆک مەسعود بارزانی لەگەڵ مەزڵوم عەبدى کۆبوەوە.
بەپێى راگەیەندراوى بارەگاى بارزانى،له کۆبوونەوەکەدا کە محەمەد ئیسماعیل، سەرۆکی ئەنەکەسە و عوسمان بایدەمیر سیاسەتمەداری کوردی باکور و چەند کەسایەتی و بەرپرسی تری رۆژئاوا بەشداربوون”.
لە کۆبوونەوەکەدا، بارودۆخی سوریا و پرسى یەکڕیزى لایەنە سیاسییەکانى کورد و پاڵپشتى هەرێمى کوردستان بۆ رۆژئاوا، گفتوگۆیان لەبارەوە کراوە.
