"زیاتر لە 140 هاوڵاتی گیانیان لەدەستداوە"
لە نۆ مانگدا 774 رووداوی هاتوچۆ لە پارێزگای سلێمانی روویانداوە
964+
دیلان محەمەدجەزا – سلێمانی
تەنیا لە نۆ مانگدا 774 رووداوی هاتوچۆ لە سنووری پارێزگای سلێمانی روویانداوە، بەهۆیانەوە نزیکەی دوو هەزار و 800 کەس برینداربوون و زیاتر لە 140 کەسیش گیانیان لەدەستداوە.
عەقید بەهمەن ئەحمەد بەڕێوەبەری هاتوچۆی ناوشار / رۆژئاوای سلێمانی بە 964ـی وت، رووداوەکانی هاتوچۆ لە سنووری پارێزگای سلێمانی روویان لەزیادبوون کردووە و لە نۆ مانگی سەرەتای ئەمساڵدا 774 رووداوی هاتوچۆ روویانداوە.
ئاماژەی بەوەشکرد، لەو رووداوانەدا دوو هەزار و 792 هاوڵاتی برینداربوون و 142 کەسیش گیانیان لەدەستداوە، زۆربەی قوربانییەکانیش لە رەگەزی نێرن.
بەقسەی عەقید بەهمەن، خێرایی هۆکاری سەرەکیی رووداوەکانی هاتوچۆیە و دواتر بەکارهێنانی مۆبایل و مەشروب خواردنەوە و چەند هۆکارێکی تر.
پێداچوونەوە؛ شۆڕش قادری
ویستیان بڕۆن بۆ میوانی لە سلێمانی و تووشی رووداوی هاتوچۆ بوون
