پێنج تیم فریایان کەوتن
لە گوندى بەرزێوە؛ سێ گەشتیار لەلایەن ئاژەڵى دڕندەوە دەورە دران
964+
وریا فەتاح
سێ گەشتیارى بەنەتەوە عەرەب کە دانیشتووى شارى هەولێرن، لە گوندى بەرزێوەى سنوورى سۆران، لەلایەن ئاژەڵى دڕندەوە دەورەدراون، بەڵام تیمەکان فریایان کەوتن و رگاریان کردن.
کاروان میراودەلى، بەڕێوەبەرى بەرگرى شارستانى سۆران بە 964ـى وت،”کەمێک پێش ئێستا لەلایەن 104ـى هەولێرەوە 104ـى سۆران ئاگادارکرایەوە کە سێ هاوڵاتی دانیشتووی پارێزگای هەولێر، بە نەتەوە عەرەب، مەبەستی گەشت و سەیرا و مانەوە هاتوونەتە سنوورى گوندى بەرزێوە، بەڵام لەلایەن ئاژەڵى دڕندەوە دەورەدراون و مەترسى گیانیان لەسەر دروستبووە”.
وەک باسى دەکات، بەپەلە سێ تیمى بەرگرى شارستانى و دوو تیمى پۆلیس رەوانەى شوێنەکە کراون و ژیانى گەشتیارەکان بەسەلامەتى رزگارکرا.
وتیشى،”گوایە دەنگى گورگ و ئاژەڵیان بستووە، بەڵام زۆر ترساون و شڵەژاون لە دەنگەکانیان کە رەنگە چەقەڵ بوبێت، بۆیە هێنراونەتەوە بۆ سۆران و رەوانەى هەولێر دەکرێنەوە”
دڵنیایش دەدات، کە هیچ مەترسییەکى ئەوتۆ لە سنوورەکە بوونى نییە و ئاژەڵى مەترسیدارى واى لێ نییە کە مەترسى لەسەر خەڵک دروست بکەن”.
