20 داواكراو لە كەركوک دەستگیر كران

964+

ئەرسەلان عەبدوڵا

فەرماندەیی پۆلیسی کەرکوک دەستگیرکردنی 20 کەسی داواکراوی راگەیاند، هاوکات 18 کەسی دیکەش دەستگیر كران، كە پەیوەندییان بە بەگژیەكداچوون و شەڕکردن هەیە لە شارەكەدا.

لە راگەیەندراوێکدا فەرماندەییەکە ئەمڕۆ سێشەممە 2.9.2025 بڵاویكردەوە، “فیرقە مەیدانییەکانی سەر بە فەرماندەیی پۆلیسی کەرکوک زنجیرەیەک رێکاریان جێبەجێ کردووە بۆ سەپاندنی ئاسایش لە ناوچە جیاجیاکانی پارێزگاکە و بازگە سەرەکییەکانی”.

هەروەها هاتووە” 20 کەسی داواکراو بەپێی فەرمانی دادوەری دەستگیرکراون، کە لەلایەن دادگا پەیوەندیدارەکانەوە دەرچووە”.

“مەفرەزە فریاگوزارییەکانی پۆلیس دەستیانکردووە بە جێبەجێکردنی فەرمانی دەستگیرکردن دژی دوو کەسی داواکراو و غەرامەکردنی 64 ئۆتۆمبێل بەهۆی سەرپێچیکردنی یاساکانی هاتوچۆ، بە هەماهەنگی لەگەڵ مەفرەزەكانی هاتوچۆ، جگە لە دەستگیرکردنی 18 کەس كە لە شەڕ و بەیەكدادانەكانی كەركوك تێوەگلاون”، لە راگەیاندراوەكەدا وا هاتووە.

ژنانى و کچانى کەرکوک بۆ پشتگیرى لە کەیسى دکتۆرە بان گردبوونەوە