گەنجێک لە ئاوی گوندی هەمزەی ناوشوان خنكا

+964

عەزیز عەبدو‌ڵا

ئێوارەی ئەمڕۆ یەكشەممە 31.8.2025 گەنجێک لە ئاوی گوندی هەمزەی ناوشوان لە نزیک چەمچەماڵ خنکا و تەرمەكەشی گەیەندرایە نەخۆشخانە.

نورەدین جەلال بەڕێوەبەری تەندروستیی چەمچەماڵ بە 964ی وت، کەمێک پێش ئێستا تەرمی گەنجێک بە (أ.س) گەیەندرایە نەخۆشخانەی فریاکەوتنی چەمچەماڵ، تەمەنی 16 ساڵە، وەک دەردەکەوێت لە ئاودا خنکاوە.

بە وتەی چەند شایەدحاڵێکیش لە شوێنی رووداوەکە بۆ 964، گەنجەكە بەهۆی ئەوەی باش مەلەی نەزانیوە، خنكاوە.

گەنجەکە خەڵکی گوندی چراغە روتەیە لە سنووری چەمچەماڵ، دوای کەمتر لە نیو کاتژمێر توانراوە تەرمەکەی دەربهێنرێتەوە.

پێداچوونەوە: ئەرسەلان عەبدوڵا

هاوڵاتییه‌ک له‌ زێى گه‌وره‌ خنكا