گەرما تاڕادەیەک جێگیرە بەڵام تۆز و خۆڵێکی کەم ئاسمانی کوردستان دەگرێتەوە

964+

شۆڕش قادری

ئەم چەند رۆژە گەرماکە تاڕادەیەک لە ئاستێکدا ماوەتەوە و زۆر بەرز و نزمی ناکات، بۆ ئەم دوو رۆژەش وەک خۆی دەمێنێتەوە، بەڵام لە کوێستانەکان کەمێک فێنکتر دەبێت و  تۆز و خۆڵێکی کەمیش ئاسمانی کوردستان دەگرێتەوە.

بەپێی پێشبینییەکانی کەشناسی، ئەمڕۆ چوارشەممە 6.8.2025 ئاسمان بەگشتى نیمچە هەور دەبێت، گەرماکەش وەک دوێنێ دەبێ و تەنیا لە ناوچە شاخاوییەکان کەمێک دادەبەزێ.

بۆ سبەی پێنجشەممەش، ئاسمان نیمچە هەور دەبێت، پلەی گەرماش بەراورد بە ئەمڕۆ گۆڕانکارییەکی ئەوتۆ بەخۆیەوە نابینێ، بەڵام ئەگەرى بەرزبوونەوەى تۆز و خۆڵێکى کەم لەئارادا هەیە .

بەرزترین پلەی گەرمای پێشبینیکراو بە پلەی سیلیزی؛

هەولێر: 43 پلەی سیلیزی

سلێمانی: 43 پلەی سیلیزی

دهۆک: 42 پلەی سیلیزی

کەرکوک: 44 پلەی سیلیزی

زاخۆ: 43 پلەی سیلیزی

هەڵەبجە: 43 پلەی سیلیزی

سۆران: 42 پلەی سیلیزی

حاجی ئۆمەران: 35 پلەی سیلیزی

گەرمیان: 47 پلەی سیلیزی

کەشەکە سەقامگیرە و پلەی گەرما زۆر بەرزنابێتەوە

کەشناسیی عێراق: خۆڵبارین دەستپێدەکات