ئاگرەكەی قەرەداغ كۆنتڕۆڵ كرا
50 دۆنم دارستان و پوش و پاوانى سووتاند
کێشەیەکى کۆمەڵایەتى بووە؛ ئاگرەکەی قەرەداغ کۆنتڕۆڵ کرا
964+
دیلان محەمەد جەزا- سلێمانى
شەوی رابردوو ئاگرێک لە سنووری قەرەداغ لە گوندی باخان کەوتووەتەوە و نزیکەی 50 دۆنم پوش و پاوان و داری سروشتی سووتاند.
عەبدوڵا حوسێن، بەڕێوەبەری پۆلیسی دارستانی قەرەداغ بە 964ـى وت،”شەوی رابردوو ئاگرێک لە گوندی باخانی سەر بە قەزای قەرەداغ کەوتووەتەوە و نزیکەی 50 دۆنم پوش و پاوان و داری سروشتی سووتان و توانراوە دوای نزیکەی دوو کاتژمێر کۆنتڕۆڵ بکرێت”.
باسی لەوەش کرد، حاڵەتی ئەو ئاگرکەوتنەوانە زیاتر دەگەڕێتەوە بۆ کێشەی کۆمەڵایەتی لەو ناوچانەدا و تا ئێستا لێکۆڵینەوە بەردەوامە و کەس دەستگیر نەکراوە.
هەروەها ئەوەی خستەڕوو، ئاگرەکە لە کاتژمێر 1:15ـى بەرەبەیان کۆنتڕۆڵ کراوە و نەهێڵدراوە زیاتر تەشەنە بکات.
پێداچوونەوە؛ وریا فەتاح
