کەسێک بە سەختی بریندار بوو و زیانیش بەر موڵکی گشتی کەوت
پێکابێک لە زاخۆ کارەساتی نایەوە
964+
ژێوار خدر
شەوی رابردوو، لەسەر رێگەی سەرەکیی زاخۆ – دهۆک، ئۆتۆمبێلێکی بارهەڵگری جۆری تۆیۆتا خۆی بە چەند دارێک و ستوونی کارەبادا کێشا و کەسێک بە سەختی بریندار بوو.
هاتوچۆ رایگەیاند، رووداوەکە کاتژمێر 1:00ـی شەوی رابردوو، لە نزیک زانکۆی زاخۆ روویدواە، ئۆتۆمبێلێکی جۆری پیکاب کە بە مەرزیە ناسراوە لە کۆنترۆڵی شۆفێرەکەی دەرچووە و خۆی کێشاوە بە چەند دارێک و ستوونێکی کارەبا و هێمایەکی هاتوچۆدا.
دەشڵێت، لە ئەنجامی رووداوەکەدا، کەسێک بە سەختی بریندار بوو و زیانێکی زۆری مادیش بەر ئۆتۆمبێلەکە، هێمای هاتوچۆکە، ستوونی کارەباکە و چەند دارێکیش کەوتووە.
