دادگای کەرخ لە بەغدا - وێنە: 964
رۆژنامەی عیبری پێگیراوە
کەسێک لەسەر پیاهەڵدان بە ئیسرائیلدا لە بەغدا خرایە زیندان
964+
ژووری هەواڵ
بەتۆمەتى بانگەشەکردن بۆ ئیسرائیل لە تۆڕەکۆمەڵایەتییەکان، دادگاى تاوانەکانى کەرخ سزای زیندانی هەتاهەتایی سەپاند بەسەر کەسێکدا.
ئەنجوومەنى دادوەرى عێراق رایگەیاند، سزادراوەکە لە رێگەی بڵاوکردنەوەى وێنە و ڤیدیۆ لە تۆڕى کۆمەڵایەتى فەیسبووک هەستاوە بە بانگەشە و پیاهەڵدانى ئاکار و رەفتارەکانى ئیسرائیل.
لە راگەیەندراوی ئەنجوومەنەکەدا هاتووە، لە ماڵى سزادراوەکەدا دەستبەسەر ژمارەیەک پەرتووک و رۆژنامەیەکى عیبریدا.
تۆمەتبارەکە بەگوێرەی یاساى ژمارە یەکى ساڵى 2022 لە یاساى بەتاوان ناساندنى ئاساییکردنەوەى پەیوەندییەکان لەگەڵ ئیسرائیل، سزادراوە.
بەگوێرەی ئەو یاسایە، هەرکەسێک پەیوەندیی لەگەڵ ئیسرائیل دروستبکات یاخود بانگەشە بۆ ئایدۆلێجیا و رەفتارى ئەو وڵاتە بکات بەشێوەیەکى ئاشکرابێت یان نهێنى، سزای لەسێدارەدان یان زیندانی هەتاهەتایی بەسەردا دەسەپێنرێت.
