داوا لە خەڵک دەکەن بێنە دەرەوە
هاوڵاتیانی خانەقین لەبەر بێکارەبایی شەقامیان داخستووە
964+
ڕاژان باجەڵان – خانەقین
بێ کارەبایی خەڵکی خانەقینی رژاندە سەر شەقام و دەیان خۆپیشاندەر رێگای مەرزی مەنزەریەیان داخستووە کە هەردوو وڵاتی عێراق و ئێران بەیەکەوە دەبەستێتەوە.
عەباس عەزیز یەکێک لەو خۆپیشاندەرانە بە964 ـی وت، بێکارەبایی خەڵکی هەراسان کردووە و هیچ جێگای قبوڵکردن نییە ئیتر خانەقین ئاوا پشتگوێ بخرێت، کەمێکی تر هاوڵاتیانی زیاتر دێن و رێگاکە بە شێوەیەکی توندتر دادەخرێت و رێگا تەنیا لە بارهەڵگر دەگیرێت و مەدەنی و ئێرانییەکان با بۆخۆیان بڕۆن هیچ کێشەیەکیان نییە لەگەڵیان .
ماوەی نزیکەی مانگێکە پلەکانی گەرما لە خانەقین بەرەو 50 پلە بەرزبووەتەوە و لەگەڵ ئەوەشدا کەمی کارەبا لە شارەکە ئەوەندەی تر ژیانی هاوڵاتیانی سەخت کردووە بەجۆرێک لە رۆژەکەدا کەمتر لە 12 کاتژمێر کارەبای نیشتیمانی دێت.
پێداچوونەوە: توانا نەقی