کەروێشکەکان بە سروشت شاد کرانەوە
شۆفێرێک بە چوار کەروێشکی کێوییەوە دەستگیر کرا
964+
شۆڕش قادری
لە بازگەی ئاسایشی عەربەت، شۆفێرێک بە چوار کەروێشکی کێوییەوە دەستگیر کرا، کەروێشکەکانی لێ سەنرا و بە سروشت شاد کرانەوە.
هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، شۆفێرێک لەلایەن بازگەی ئاسایشی عەربەتەوە بەتۆمەتی گواستنەوەی ئاژەڵی کێوی و بە چوار کەروێشکەوە دەستگیر کراوە و دواتر رادەستی بنکەی پۆلیسی دارستان و ژینگەی عەربەت کراوە.
“لەئێستادا ئەو هاوڵاتییە دەستبەسەر کراوە و لێکۆڵینەوە لەگەڵی بەردەوامە”، هێمن کەمەرخان وای وت .
ئاماژەی بەوەشکرد، بە بڕیاری دادوەر هەر چوار کەروێشکەکە ئازاد کراون و گەڕێندرانەوە بۆ ناو سروشت و ژینگەی راستەقینەی خۆیان.
کەروێشکێکى بریندار دواى چارەسەرکردن گەڕێندرایەوە ناو سروشت
