هاتوچۆی سلێمانی ئەو شۆفێرانەی سزادا کە ئۆتۆمبێلیان لەسەر شۆستە راگرتبوو - وێنە: بەڕێوەبەرایەتی هاتوچۆی سلێمانی
"لەپێناو کەمکردنەوەی لۆد و قەرەباڵغی"
هاتوچۆی سلێمانی ئەو شۆفێرانەی سزادا کە ئۆتۆمبێلیان لەسەر شۆستە راگرتبوو
964+
شۆڕش قادری
هاتوچۆی سلێمانی لێپێچنەوە لەو شۆفێرانە دەکات کە ئۆتۆمبێلەکانیان لەسەر شۆستە و شوێنە قەدەغەکراوەکان رادەگرن و ئاستەنگی هاتوچۆ دروست دەکەن.
بەپێی راگەیەنراوێکی بەڕێوەبەرایەتی هاتوچۆی سلێمانی، سەرلەبەیانی ئەمڕۆ یەکشەممە 25.5.2025 بەڕێوەبەرایەتی هاتوچۆی ناوشار – رۆژئاوا هەستاون بە بەدواداچوون و رێکخستنی شەقامەکان و لێپرسینەوە لەگەڵ شۆفێران، بەهۆی سەرپێچی راگرتن و پارککردنی ئۆتۆمبێل لە جێگا قەدەغەکراوەکان و دروستکردنی ئاستەنگی هاتوچۆ.
عەقیدی هاتوچۆ بەهمەن ئەحمەد بەڕێوەبەری بەشی هاتوچۆی ناوشار – رۆژئاوا رایگەیاندووە، لێپرسینەوەکان و جێبەجێکردنی یاسا و رێنماییەکانی هاتوچۆ بەردەوام دەبێت لەپێناو کەمکردنەوەی لۆد و قەرەباڵغی و نەهێشتنی دیاردە نایاساییەکان.
داوایش لە شۆفێران دەکات، خۆیان بەدوور بگرن لە هەر سەرپێچییەکی هاتوچۆیی و پابەندبن بە یاسا و رێنماییەکانی هاتوچۆوە.
هاتوچۆی سلێمانی: شاردنەوەی تابلۆ بە قوڕ سزای قورسی لەسەرە
