هێشتا حاڵەتەکانی سکچوون و رشانەوەی منداڵان کەمی نەکردووە

964+

توانا نەقی

تا ئەمڕۆش تۆمارکردنی حاڵەتەکانی سکچوون و رشانەوە لە ناومنداڵاندا لە گەرمیان هەر بەردەوامە و نزیکەی 40 منداڵ رۆژانە دەبرێنە نەخۆشصانەی قەڵاو چارەسەر وەردەگرن.

بەڕێوەبەری نەخۆشخانەی قەڵاش دەڵێت، پەتایەکی وەرزییە و بەرۆکی منداڵانی گرتووە و دەبێت لە مالەوەش دوای چارەسەر کردن ئاگاداریان بن.

حارس محەمەد بەڕێوەبەری نەخۆشخانەی قەڵا بۆ نەخۆشیە گوازراوەکان بە 964ـی وت، پەتایەکی وەرزییە و تووشی منداڵان دەبێت، بە سکچوون و رشانەوە دەیگرن منداڵێکی زۆر لە گەرمیان تووشی پەتاکە بوون و تا ئەمڕۆ شەممەش رۆژانە تا 40 منداڵ داخڵ دەکەن.

وتیشی، ئەومنداڵانە هەیانە دوو رۆژ و هەیانە رۆژێک یان تاقێک لە نەخۆشخانە دەهێڵدرێنەوە تا چارەسەر وەردەگرن، بەڵام کە دەبرێنەوە ماڵەوە زۆر جار لەبەر هەوای ساردی سپلیت و موبەڕیدە دادەنرێن بۆ تووش دەبنەوە، هۆکارێکی دیکە گۆڕانی کەشوهەوایە کە بەورێژە زۆرە منداڵان تووش دەبن.

نەخۆشی سکچوون و رشانەوەکەی شارەزوور تادێت زیاد دەکات