هەولێر
ئاگرێک لە باڵەخانەیەكی شەقامی 100 مەتری كەوتووەتەوە
964+
ئەحمەد شەمزین
ئاگرێک لە باڵەخانەیەكی تەواونەكراو لە شەقامی 100 مەتریی هەولێر كەوتووەتەوە، لە نزیك باڵەخانەكانی ئیمپایەر.
بە قسەی شایەتحاڵێك بۆ 964، ئاگرەكە لە ژێرزەمینی باڵەخانەكە كەوتووەتەوە و تیمەكانی بەرگریی شارستانی بەرەو ئەوێ بەڕێوەن.
ئاگرەكە كۆنتڕۆڵ كرا 10:00
پەیامنێری 964 لە شوێنی ئاگرەكە رایگەیاند، لە باڵەخانەیەك كە هێشتا ئیشی تێدا دەكرێت، داری تێدا بووە و لە دروستكردنی باڵەخانەكە بەكاردێت، سووتاوە، بەڵام ئاگرەكە لە لایەن چوار تیمی بەرگریی شارستانیی هەولێرەوە كۆنتڕۆڵ كرا.
وتیشی، زیانی گیانی نەبوو، بەڵام زیانی ماددی هەیە.
نوێكرایەوە 11:12
بەرگریی شارستانیی هەولێر چی دەڵێت؟
شاخەوان سەعید وتەبێژی بەرگریی شارستانیی هەولێر لە شوێنی كەوتنەوەی ئاگرەكە بە 964ی راگەیاند، ئاگرەكە لە لایەن شەش تیمەوە كۆنتڕۆڵ كرا و زیانی گیانیی نەبوو، ئەوەی سووتا داری نەجاڕی بوو، كە بۆ كاری بنیادنانی باڵەخانەكە كاری پێدەكرا.
وتیشی، بە ماوەی 15 خولەك توانرا ئاگرەكە كۆنتڕۆڵ بكرێت.
پێداچوونەوە: ئەرسەلان عەبدوڵا