بۆ رێگریکردن لە روودانی کارەساتی نەخوازراو
چاڵەكانی رێگەی خەلەکان و تونێلى پێشڕەو پڕكرانەوە
964+
محەمەد فاتیح
بەمەبەستی كەمكردنەوەی رووداوی هاتووچۆ و دروست نەبوونی ئاستەنگ بۆ هاوڵاتیانی هەرێمی كوردستان، چاڵ و چۆڵى رێگەی سەرەکى خەلەکان و شەقامى تونێلى پێشڕەو لە سنووری پارێزگای سلێمانی پڕكرانەوە.
بەڕێوەبەرایەتی گشتی شارەوانییەکانی سلێمانی بڵاویكردەوە لەچوارچێوەى هەڵمەتى نۆژەنکردنەوەى تونێلى پێشڕەو، چاڵ و چۆڵى شەقامى تونێلەکە پڕکرایەوە، به ئامانجى ئاسانکاریی بۆ هاتووچۆى شۆفێران و رێگریکردن لە روودانى هەر کارەساتێکى نەخوازراو لەناو تونێلەکە.
وتيشى بە هەمان شێوە هەڵمەتێکى پڕکردنەوەى چاڵ و چۆڵى شەقامى سەرەکى خەلەکانى لەلایەن سەرۆكایەتی شارەوانییەوە جێبەجێکرا بەمەبەستی رێگریکردن لە دروستبوونى ڕووداوى هاتووچۆ و پاراستنى گیانى شۆفێران و ڕێبواران، بەتایبەت کە ڕێگاکە فشارێکى زۆرى لەسەرە و ئۆتۆمبێلێکى زۆر هاتوچۆوى پێدا دەکەن.
رۆژانە بە هۆی رووداوی هاتووچۆوە گیان لەدەستدان و برینداربوونی هاوڵاتیانی هەرێمی كوردستانی لێدەكەوێتەوە، لە بەرامبەردا هەوڵەكان بەردەوامن بۆ چاكردنەوەی رێگە و بانەكان و جێبەجێكردنی پڕۆژە خزمەتگوزارییەكان.
