كچەكە چی وت؟
كچە خوێنەرێک د. فەرهاد پیرباڵی گریاند
+964
ژێوار خدر
لە پێشانگای نێودەوڵەتیی هەولێر بۆ كتێب، كچێكی خوێنەر دەڵێت، د. فەرهاد پیرباڵی باوكی بیر دەهێنێتەوە و كە دەیبینێت هەستێكی باوكانەی لێ بەدی دەكات، فەرهاد پیرباڵیش چاوی پڕ فرمێسك دەبێت.
پەیامنێری 964 لە پێشانگەی نێودەوڵەتیی هەولێر بۆ كتێب، گفتوگۆی لەگەڵ كچە خوێنەرێك كرد، كە نیقابی كردووە و وەك خۆی دەڵێت، چەند ساڵێكە دەستی بە خوێندنەوە كردووە.
كچەكە دەڵێت، د. فەرهاد پیرباڵی نووسەر و مامۆستای زانكۆی زۆر خۆشدەوێت و وەك باوكی وایە.
دەشڵێت چونكە باوكی نەماوە و نەیدیوە، بۆیە فەرهاد پیرباڵ وەك باوكی خۆی دەبینێت.
كاتێك كچەكە ئەو قسانەی بۆ مایكی 964 كرد، د. فەرهاد لەوێ ئامادەبوو، بۆیە كە گوێی لە قسەكان بوو، چاوی پڕ بوو لە فرمێسك و دەستی بە گریان كرد.
پێداچوونەوە: ئەرسەلان عەبدوڵا
