بارزانی و سودانی لە بارەی قەیران و ئاڵنگارییەكان كۆبوونەوە
لە پیرمام
بارزانی و سودانی لە بارەی قەیران و ئاڵنگارییەكان كۆبوونەوە
964+
ئەرسەلان عەبدوڵا
بارەگانی بارزانی رایگەیاند، بارزانی و سودانی لە پیرمام لە بارەی تێپەڕاندنی قەیران و ئاڵنگارییەكان و چارەسەری كێشەكانی نێوان هەرێم و بەغدا كۆبوونەوە.
بارەگانی بارزانی راگەیاندراوێكی لە سۆشیال لە بارەی كۆبوونەوەكە بڵاوكردەوە، كە بەم جۆرەیە:
سەرۆك بارزانی پێشوازی لە سەرۆكی ئەنجوومەنی وەزیرانی عێراقی فیدڕاڵ دەكات
ڕۆژی شەممە 12ی نیسانی 2025 لە سەلاحەددین سەرۆك مەسعود بارزانی پێشوازی لە بەڕێز محەمەد شیاع سودانی سەرۆكی ئەنجوومەنی وەزیرانی عێراقی فیدڕاڵ كرد.
لە دیدارەكەدا گفتوگۆ لەبارەی بارودۆخی سیاسی و دوایین گۆڕانكاری و پێشهاتەكان لەسەر ئاستی هەرێمایەتی و ناوچەكە كرا، هەروەها جەختیش لە هەماهەنگیی نێوان لایەنە عێراقییەكان بۆ تێپەڕاندنی قەیران و ئاڵنگارییەكان و چارەسەریی كێشەكان كرایەوە.
پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ تەوەری تری ئەو دیدارە بوو.
ئەمڕۆ شەممە سەرۆك وەزیرانی عێراق محەمەد شیاع سودانی بە سەردانێك گەیشتە هەولێر و لە لایەن سەرۆك وەزیرانی كوردستان مەسرور بارزانی لە فڕۆكەخانە پێشوازی كرا و دیدارێكی كورتیشیان هەبوو.
