سعودیە
چوارەم عومرەکارى کورد لە رەمەزاندا گیانى لەدەستدا
964+
وریا فەتاح
چوارەم عومرەکاری کوردستان لە مانگی رەمەزاندا لە شاری مەککە کۆچی دوایی کرد .
بەڕێوەبەرایەتى گشتى حەج و عومرەى هەرێمى کوردستان بڵاوى کردەوە، دوێنێ سێشەممە 25.3.2025، هاوڵاتى ئازاد رەحیم کەریم باجەلان کە دانیشتووى ئیدارەى سەربەخۆى گەرمیانە و بەمەبەستى عومرە سەردانى سعودیاى کردبوو، دوای بەجێگەیاندنی سونەتی عومرە لە شاری مەککە، کۆچی دوایی کرد.
وەک باسى دەکات، عومرەکارەکە تەمەنى 48 ساڵە و پێشتر هیچ نەخۆشییەکى نەبووە و بە ئۆتۆمبێلى خۆى سەفەرى عومرەى کردووە، بەڵام بە شێوەیەکی کت و پڕ لە لەشاری مەککە کۆچی دوایی دەکات.
ئاشکراشى کردووە، تەرمى کۆچکردوو لە شارى مەککە سپاردەى خاک کراوە.
لەسەرەتاى ئەمساڵەوە ئەوە 10یەم عومرەکارى کوردە کە لەسعودیە گیانى لەدەستدابێت و چوارەم عومرەکاریشە لە مانگى رەمەزاندا اە سعودیە کۆچى دوایى کردبێت.
وادەى وەرگرتنى پارەى حاجیان درێژکرایەوە
