964+

ژووری هەواڵ

ئەمشەو فانۆسی 964 لەناو کاسبکارانی سەهۆڵەکەی شارە حەیاتەکەیە و چاوانیش جەوەکەی پێخۆشە و بە قسە و پرسیاری ئاسان بەسەریاندەکاتەوە و خەڵاتیان دەکات.

کاسبکارێک کە سەقاڵی فرۆشتنی نۆکاو بوو نەیویست قسەمان بۆ بکات، بەڵام چاوان کۆڵینەدا و بە زمانی شیرینی هێنایە قسە و لەپڕ زرمەی بۆکسەکەی یاریەکەی تەنیشت عەرەبانەکەی چاوانی ترساند و وتی، ئەوەی نەزانێ و تازە بێ هەڵیدەپەڕێنێت.

پێشکەشکاری فانۆس چووە لای گەنجێکی قسەخۆش و بۆ ئەوەی خەڵاتی بکا وتی نابێ بڵێی، بەڵێ یان نەخێر و ئم، بەڵام لەبری بەڵێ بۆی کردە ئینگلیزی و وتی یەس، فانۆس هەر ئەوەنیە پڕە لە قسە و باسی خۆش بینەری بن.

فانۆسی 964 لەناو کاسبکارانی بازاڕی هەولێرە

964+

ئەرسەلان عەبدوڵا

سەرۆکی رەوتی سەدر رایگەیاند، رەوتەكەیان بەشداریی هەڵبژاردنی ئەمجارەی عێراق ناكەن.

موقتەدا سەدر لە وەڵامی پرسیارێك سەبارەت بە خۆئامادەكردنی بۆ هەڵبژاردنی ئەمساڵی عێراق، رایگەیاند، رەوتەكەیان بەشداریی هەڵبژاردن ناكات.

موقتەدا سەدر ئێوارەی دوێنێ ئەو قسانەی كرد و وتی، “سوپاسی خوا دەكەین ئێمەی لە قەومی گەندەڵكاران رزگار كرد، چونكە خوا گەندەڵیی خۆش ناوێت”.

بەڵام هەرخۆی وتی، بۆ ئەوەی هەموو بزانن، تا ئەوكاتەی گەندەڵی هەبێت، بەشداری لە پرۆسەی هەڵبژاردنێكی خواروخێچ ناكەین، كە تەنیا لە خەمی تایەفەگەری و نەتەوەیی و حزبی، زۆر دوورە لە ئازارەكانی گەل.

موقتەدا سەدر باسی ئەوەی كرد، داوا لە لایەنگرانی دەكات نە دەنگ بدەن و نە خۆیشیان كاندید بكەن.

رەوتی سەدر لە حوزەیرانی 2022 لە پرۆسەی سیاسی لە عێراق كشایەوە و هەموو ئەندام پەرلەمانەكانیشی كشاندەوە، كە ژمارەیان 73 ئەندام بوو، بڕیاریان دا بەشداریی هیچ هەڵبژاردنێك نەكەن، بە وتەی خۆیان “بۆ ئەوەی لەگەڵ سیاسییە گەندەڵەكان بەشداریی نەكەن”.

بڕیارە لە ئۆكتۆبەری ئەمساڵ هەڵبژاردنی پەرلەمانی عێراق بەڕێوەبچێت.

موقتەدا سەدر: داوای داخستنی باڵیۆزخانەی ئەمریکا دەکەم لە عێراق