964+

دیلان محەمەد جەزا- سلێمانى

ژمارەیەکى زۆرى سەگى بەرەڵا و بێلانە بە بازاڕى سەرچناردا بڵاوبوونەتەوە و مەترسى بۆسەر خەڵکى بازاڕەکە دروستکردووە.

سەگەکان زیاتر کەوتوونەتە ئەو بەشەى کە بنکەى پۆلیسى سەرچنارى لێیە و بە کوچە و کۆڵانەکاندا بڵاوبوونەتەوە، سێ سێ و چوار چوار بەیەکەوە دەبیندرێن.

بەقسەى ئەو کەسانەبێت کە رۆژانە لە بازاڕەکەن، سەگەکان مەترسیان دروستکردووە و ژینگەى بازاڕەکەسان شێواندووە.

داواش دەکەن، رێگایەک بدۆزرێتەوە و ئەو سەگانە لەوێ دوربخەوە و بیانبەن بۆ شێڵتەرەکان.

پێداچوونەوە: وریا فەتاح

لە سێ رۆژدا سەگى بەرەڵا چوار کەسى رەوانەى نەخۆشخانە کردووە

964+

وریا فەتاح

بەرەبەیانى ئەمڕۆ پێنجشەممە، لە هێرشێکى ئاسمانى سوپاى ئیسرائیلدا، وتەبێژى بزوتنەوەى حەماسى فەلەستینى کوژرا.

سەرچاوە هەواڵییەکان بڵاویان کردەوە، دواى هیرشێکى ئاسمانى سوپاى ئیسرائیل بۆسەر کامپی جەبالیا، عەبدولـلەتیف قانووع، وتەبێژى حەماس و ژمارەیەک کەسى دیکەى ئاوارەبووى ناو کامپەکە، کوژراون.
سەرچاوە خۆجێیەکانى فەلەستین باسیان لەوەکردووە، جگە لە کوژرانى قانووع و ژمارەیەک کەسى تر، چەند کەسێکى تریش بریندار بوون کە هاوڵاتى مەدەنین.

لە هێرشەکەدا، سوپاى ئیسرائیل چەند خێوەتێکى ئاوارەکانیان بە ئامانج گرتووە کە لەو کاتەدا وتەبێژى حەماس لەوێ بووە و بەئامانج گیراوە.

وتەبێژی حەماس؛ شەڕ دەستپێ بکاتەوە بارمتەکان دەکوژین