نرخى نەوت هەر لە خوار 70 دۆلارە

وریا فەتاح

چەند رۆژێکە نرخی هەر بەرمیلێک نەوت لە بازاڕی جیهانیدا لە هەر لە دەورووبەرى 70 دۆلار مامەڵەى پێوە دەکرێت و ناتوانێت ئەو بەربەستە تێپەڕێنێت.

ئەمڕۆ سێشەممە 11.3.2025، لە کاتى کردنەوەى بازاڕى جیهانیی نەوت، نرخى یەک بەرمیل نەوتى برێنت بە 69 دۆلار و 31 سەنت دیاریکراوە.

هەروەها نرخی بەرمیلێک نەوتی خاوی تەکساس بە 65 دۆلار و 99 سەنت مامەڵەی پێوەدەکرێت و نرخەکەی، نرخەکەى روولە دابەزینە.

دواى ئەوەى هەفتەى رابردوو، ئۆپیک بڕیاریدا بە بەرزکردنەوەى ئاستى هەناردەى نەوت، نرخەکەى رووى لە دابەزین کرد و لە چوار رۆژی رابردووشدا بە دەوری 70 دۆلار دەسوڕێتەوە.

لە سەرەتاى ساڵى نوێ و سەروبەندی دەستبەکاربوونی دۆناڵد ترەمپی سەرۆکی ئەمریکا، نرخی نەوت بە شێوەیەکی بەرچاو بەرزبووەوە و نرخی هەر بەرمیلێک، لە 85 دۆلار نزیک بووەوە، بەڵام دواتر سەربەرەوخوار بووەوە.