دەستبەسەرداگرتنى کەلوپەلى خۆراکى ناتەندروست...وێنە: وەزارەتى ناوخۆى عێراق
کینتاکى و باڵى مریشک
لە کەرکوک 21 تۆن کەلوپەلى خۆراکى دەستى بەسەرداگیرا
964+
وریا فەتاح
پۆلیسى کەرکوک دەستگیرت بەسەر 21 تۆن کەلوپەلى خۆراکیدا کە شیاوى خواردن نەبوون و بڕیار بووە لە بازاڕدا ساغ بکرێنەوە.
بەپێى وێنەکان، کەلوپەلە خۆراکییە دەستبەسەرداگیراوەکە باڵى مریشک و کینتاکییە.
وەزارەتى ناوخۆى عێراق بڵاوى کردەوە، فەرماندەیی پۆلیسی کەرکوک بەردەوامە لە چاودێریکردنی رێگاوبان و بازگەکان بۆ رێگریکردن لە خواردنى ناتەندروست، بۆیە لە رێگەی ئۆپەراسیۆنێکی ئەمنی و بە پشتبەستن بە زانیاریی دروست، توانیان دەست بەسەر 21 تۆن کەلوپەلی خۆراکی قاچاخدا بگرێن.
وەک باسى دەکات، مادە خۆراکییەکان شیاوى خواردن نەبوون و بڕیار بووە لە بازاڕدا ساغ بکرێنەوە.
لە ئۆپەراسیۆنەدا سێ تۆمەتبار دەستگیرکراون و دەستبەسەر ئۆتۆمبێلە بارهەڵگرەکانیاندا گیراوە.
