دیمەنێکی بەفر لە دەڤەری بەرواری باڵا لە پارێزگای دهۆک - وێنە: فەرمانگەی میدیا و زانیاری هەرێم
چەند رۆژێکی کەمی ماوە
وشکەسەرما کۆتایی دێت و بارانی باشیش بەڕێوەیە
964+
شۆڕش قادری
لە یەک دوو رۆژی داهاتوودا وشکەسەرماکە کۆتایی دێت و بۆ هەفتەی داهاتووش شەپۆلێکی بارانبارینی باش بەڕێوەیە.
محەمەد کەمال شارەزای کەشناسی بە 964ـی وت، “بەپێی پێشبینییەکان ئەم سەرماوسۆڵەیەی ئێستا لەرۆژدا تا سبەینێ پێنجشەممە 27.2.2025 دەمێنێتەوە و بەشەویش تا 3.3.2025 بەردەوام دەبێت”.
“شەپۆلێکی بەفر و بارانبارینی باش بەڕێوەیە و پێدەچێت لە 3 بۆ 5ـی مانگی داهاتوو بگاتە هەرێمی کوردستان و تا 9ـی مانگ بەردەوام دەبێت”، محەمەد کەمال وای وت.
ئاماژەی بەوەشکرد، لەو شەپۆلەدا بەفر تەنیا لە ناوچە شاخاوییەکان دەبارێت.
لە چەند رۆژی رابردوودا شەپۆلێکی بەفر و باران هەموو ناوچەکانی کوردستانی گرتەوە و وشکەسەرمایەکی توندی بەدوای خۆیدا هێنا و تا ئێستاش بەردەوامە.
بەفر و بارانبارین دەستپێدەکاتەوە و سەرماوسۆڵەشی لەگەڵە
