لە سلێمانی گردبوونەوە
پزیشکانى دانەمەزراو داواى دامەزراندن دەکەن
964+
دیلان محەمەد جەزا
پزیشکانی دەرچووی دانەمەزراو لە بەردەم بەڕێوەبەرایەتیی گشتیی تەندروستیی سلێمانی گردبوونەوە و دەرگای بەڕێوەبەرایەتییەکەیان داخست.
دکتۆر رەوا قوربانی، نوێنەری دەرچووانی دانەمەزراو بە 964ـى وت،”ئەمە یەکەمجار نییە گرد دەبینەوە و داوای دامەزراندن دەکەین، بەڵام ئەگەر وەڵاممان نەدرێتەوە ناچارین رێگەى دیکەى مەدەنى بگرینەبەر”.
وەک ئەوەى دەرچووە دانەمەزراوەکان باسى دەکەن، ئەوان هیلاکى و خوێندنیان بۆ ئەوەبووە ببنە پزیشک و خزمەت بکەن، بەڵام تائێستا دامەزراندنیان دەنگى نییە.
ئەوان قاڵبووەوەى پسپۆڕییەکەیانن و بە وتەى خۆیان چاوەڕێ نەبوون دانەمەزرێندرێن و ناتوانن هیچ ئیشێکى دیکەش بکەن، چونکە ئەزمون و توانایان تەنیا لەو پسپۆڕییەتییەدا خەرجکردووە.
پێداچوونەوە: وریا فەتاح
