قیرتاوکردنی رێگای بەحرکە - هەولێر.وێنە.سەرۆکایەتی شارەوانی
تێچووەکەی زیاترە لە ملیار و نیوێک دینار
شەقامی سەرەکی هەولێر – بەحرکە قیرتاو کرا
964+
توانا نەقی
بە تێچووی زیاتر لە ملیار و نیوێک دینار دەستکراوە بە قیرتاو کردنی رێگای هەولێر – بەحرکە و بە وتەی شارەوانیش یەکێکە لە شەقامە سەرەکیەکان و ئاسانکاری زۆر بۆ هاوڵاتیان دەکات.
ئەمڕۆ سێشەممە، سەرۆکایەتی شارەوانی هەولێر بڵاویکردەوە، رێگای هەولێر – بەحرکە بە دوو قۆناغ تەواو دەکرێت و بەهەردوو قۆناغەکەوە نزیکەی شەش کیلۆمەترە.
دەشڵێت، قۆناغی یەکەمی پرۆژەکە درێژیەکەى زیاتر لە یەک كیلۆمەتر و نیوە، شەقامەکە بە شەقامی خێراى بازنەیی 120 مەتری دەبەستێتەوە، هەرچی قۆناغی دووەمە درێژێکەی 4 كیلۆمەتر و نیو زیاترە، شەقامی خێراى بازنەیی 120 مەتری بە شەقامی خێراى بازنەیى 150 مەتری دەبەستێتەوە.
تێچووی پرۆژەکە پێکهاتووە لە یەک ملیار و 645 ملیۆن دینار و لەسەر بودجەی وەزارەتی شارەوانی بەشێوازی بەڵێندەرایەتی جێبەجێ دەکرێت.
