دەستگیرکردنى دوو تۆمەتبار... وێنە: پۆلیسى سلێمانى
لە سلێمانى
دوو تۆمەتبار بەو پارە و زێڕەى دزیبوویان دەستگیر کران
964+
وریا فەتاح
لەسەر سکاڵاى هاوڵاتیان، پۆلیسى سلێمانى دوو تۆمەتبارى دەستگیرکرد کە پارە و زێڕیان دزى بوو.
پۆلیسى سلێمانى بڵاوى کردەوە، لەسەر سكاڵای دوو هاوڵاتی و لە لایەن مەفرەزەكانی نووسینگەی نەهێشتنی تاوانی كوردساتەوە دوو تۆمەتبار دەستگیركران.
وەک باسى دەکات، ئەو دوو هاوڵاتییە لەسەر ئەوە سکاڵایان تۆمارکرد کە لە پڕۆژە نیشتەجێبووەكانی شاری سلێمانی پارە و زێڕیان لێدزراوە، هەر بۆیە هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا لە لایەن مەفرەزەكانی نووسینگەی نەهێشتنی تاوانی كوردساتەوە تۆمەتباران بدۆزرێنەوە و دەستگیر بكرێن.
ئاشکراشى کردووە، لە کاتى دەستگیرکردنى ئەو دوو تۆمەتبارە، دەستگیراوە بەسەر بڕێك دۆلاری ئەمریكی و زێڕدا.
“ئێستاش هەریەكە لە تۆمەتباران (أ ، ع ، ع لەدایكبووی 2003 – أ ، ع ، ع لەدایكبووی 2006) بە بڕیاری دادوەر و بەپێی ماددەی 443 لەیاسای سزادانی عیراقی راگیراون”، پۆلیسى سلێمانى وا دەڵێت.
