لەسەر ئاستى خولە ناوخۆییەکان
پاڵەوانەکانى وەرزى رابردووى کوردستان خەڵاتکران
964+
دەشتی عارف_ هەولێر
لە شارى هەولێر، ئاهەنگی خەڵاتکردنی پاڵەوانانی یارییە بە کۆمەڵ و تاکەکان لەسەر ئاستی خولە ناوخۆییەکانى کوردستان بۆ وەرزی 2023 بۆ 2024 لەهەولێر بەرێوەچوو و تێدا سێ یەکەمەکانی خولی نایاب و خولی پلە یەکەکان و خوڵی فوتساڵی کچان خەڵاتکران.
یانەی ئاکرێ، وەک پاڵەوانی خولی نایابی کوردستان خەڵاتکرا و یانەی پیشەسازیش وەک پلەی یەکەم لە خولی یانە پلە یەکەکان، خەڵاتى پێدرا.
هەرچى یانەى ژنانى دهۆکە وەک پاڵەوانى فوتساڵى کچانى کوردستان و یانەى سیراوانى نوێش وەک پاڵەوانى لاوانى کوردستان، لە ئاهەنگەکەدا خەڵاتیان پێدرا.
پێداچوونەوە: وریا فەتاح
