دیمەنی بەشێک لەو کاهووەی لە ناوبرا.وێنە،کۆنترۆڵی جۆری کشتوکاڵی گەرمیان
شیاوی خواردن نەبوون
بڕێکی زۆر کاهوو کە لە ئێرانەوە هێنرابوو لە گەرمیان لە ناوبرا
964+
توانا نەقی
دەیان سندوق کاهوو لە کۆنترۆڵی جۆری کشتوکاڵی گەرمیان دەرنەچوون و خراپبوو بوون و درەنگانی ئەمشەو لەناو بران.
ئەمڕۆ یەکشەممە، کۆنترۆڵی جۆری کشتوکاڵی گەرمیان بڵاویکردەوە، بڕیاری لەناوبردنی بڕێکی زۆر کاهوو هاوردەی ئیران لە لایەن کۆنتڕۆڵی جۆری بەروبوومی کشتوکاڵی لە عەلوەی کەلار بە هەماهەنگی لەگەڵ لیژنە هاوبەشەکانی قایمقامیەتی قەزای کەلار درا.
دەشڵێت، پاش ئەوەی کە لە تاقیگەکەیان پشکنینیان بۆ ئەنجامدرا کە شیاوی خواردن نین و زیانیان هەیە بۆ تەندروستی هاوڵاتیان لە ناو بران.
ئاماژەی بەوەكردووە، 24 کاتژمێر کۆنتڕۆڵی جۆری عەلوەی لە ئەرکدان بۆ پشکنینی بەردەوام و لەناوبردنی ئەو سەوزەو میوە و بەروبوومە کشتوکاڵیانەی کە شیاوی خواردن نین و لە پشکنینەکانیان دەرناچن.
لە ماوەکانی رابردووشدا بڕێکی زۆر لە کولەکە و خەیار و لۆبیا و چەند بەرهەمێکی دیکە کە نیتراتیان زۆر بووە و شیاوی خواردن نەبوون و لە وڵاتی ئێرانەوە هاتوون دەستیان بەسەردا گیراوە.
